Pregled posta

Adresa bloga: https://blog.dnevnik.hr/iskonskipag

Marketing

ŽIVILO PAŠKO BRATSTVO I JEDINSTVO !





- Nisan moga zdurat da Te ne zoven nakon voga ca si napisa na blog, ne moren verovat da je to istina i to danaska na Maslinsku nediju.


- Pa ce je to pervi put. Kada san pisa na BNB su mi se i pritili, morali smo skinut jedan tekst jer su mi napisali da će me likvidirat ako ne skinen jedno ime, a ja san o coviku pisa sve najboje. Ca bi bilo da san napisa ca slaboga. Vidiš to Ti je javno mjenje, je se to tako rece?

- Pa ki ti to neda mira, zato ca pišeš istinu?
- Nebi verova, ali najviše Novajci i Kolanjci, Pažani to ni briga, oni bi me pjucali da imam otvorene komentare na blogu, to Ti je standarad za Pag. Ti piši a ja ću te pjucat i pokazat koliko san pametniji or tebe. Na jednon paškom blogu ki se zove "Pag Heroes", neznan ki stoji iza tog blog, ali je covik ima hrabrosti jednako onako kako mu se i blog zove napisat par rečenic, a ja ću ti pročitat da cuješ: "I onda opet čitan dalje komentari okolo di se jave zli glasi na onome Bebićevon tekstu na BNB-u. Ma more vas bit sram. Ko misliš da si boji nacini bilo ca korisno pa će se i tebe falit pa će ti pasat. Prefrigano je to, razumiš. E samo za to triba imat voje, jubavi i triba se žrtvovat." Najdi taj blog pa ćeš vidit koliko je tamo paške zbilje napisano. Međutim vidim da se ni tome autoru neda previše izlagat bilo kome riziku. Ca moreš, bit će boje. Jedna pametna anonimna paška glava mu je u svojin komentarima napisala, čak se potrudila toliko svoje pameti stavit kao komentar : već "dugo" čitan ovaj blog, sve to lipo pišeš ali kada misliš nešto konkretno poduzet??? pisat more svaka malo pismenija nana.... Ca reć nakon ovoga? Ni lipše bit mujen i nepismen, pa ništa ne pisat.

- Nisan cu za taj blog, ali ću ga nać pa ću ti se javit da ti recen ca ja mislin o tome.
- Znaš da mi je jedna profesorica od Novaje deržala predavanja o "pokrivci" i stila me uvjerit da je pokrivaca bila prije u Novaju nego u Pag i da je to pisa neki profesor i ca ti ja znan ca sve ne. Neznan dali si na blogu pročita komentar na postu "Čija je čipka starija – paška ili primoštenska?" od 29.10.2013.?, ako nisi pročitaj pa ćeš mi reć ca Ti misliš o tome.

- Cekaj tren da okrenen na taj post, jer je kompjuter ispred mene. Bome lipo, samo ca na miru moran to pročitat. Spomenu san Ti brata kako sve snima doli, više put odem pogedat njegove filmove, nego ca tebe čitan, jer je lipše gedat nego čitat. Pa gedan ka je ono vridnost, oni filmovi ca je dobi od rojaka Budina. Stari moj ono se više nikad neće dogodit. Triba reć Valteru da u kapsulu stavi jedan svoj DVD sa filmićima karnevala i koga god drugog događaja, pa neka za 50 godišć gedaju koliko više svita ko je snimano neće bit meju namin. Nanka mi više nećemo bit meju živima.

- To mu Ti reci, ako ga za Uskers vidiš doli. Morebit ga prije vidiš Ti nego ja, Ti si i ovako tamo na njegovon kraju, a ja ako se slučajno critimo.
- Ca ne govorite?
- Ne, zac?
- Kad govoriš da se slučajno critite.
- A, kako drugacije da se vidimo. Ja u ta dva dana ca dojden imam svoje obveze pa ako se critimo je dobro, ako ne opet je dobro.
- Mogu ti reć da je to i najboje tako, nego kako smo mi svi pokarani za dva metra zemje. Jesi vidi ca danaska Rosana piše za ovi UPU, PPUG, ZOP.
- To je Tvoja stvar, ja ne dilin svoje, a kuda tuje.
- Kako smo se raščakulali, a dobro si napisa da se više pojidamo mi ki nemamo veze sa tin, nego oni ki primaju plaču za to.
- Zato pročitaj još jedan post na blogu "Svako naše malo misto" od 17.10.2012. bit će Ti lakše. Boje bi Ti bilo da si u svetu Crikvu poša po masline, nego ca smanon čakulaš.

- Vidin kako si i Ti veliki katolik, pa si poša na misu.
- Svaki zna svoju, reka je jedan u Pag.
- Nisi mi ništa reka za slike.
- Lipe su.
- Samo to?
- A, ca bi sti, ca si ti Ćućo Grabovac?
- Ne smitaj me više, Bog.
- Bog!



Post je objavljen 13.04.2014. u 15:10 sati.